الورداني
فاجأ الدكتور عمرو الورداني، أمين الفتوى بدار الإفتاء، سيدة برده على سؤالها عبر برنامجه التليفزيوني على القناة الأولى المصرية، بعدم صحة زواجها بعد 35 عامًا من زوجها.
35 سنة بدون كتب كتاب
وقال "الورداني" خلال برنامجه" ولا تعسروا" المذاع على القناة" الأولى المصرية :" سيدة متزوجة من 35 سنة، ومكنش في كتب كتاب عشان بيقولوا أيام الرسول مكنش في كتب كتاب، فأخذوا عهد قدام ربنا إن انتي تبقى زوجتي وأنا أبقى زوجك، وحلفوا على المصحف إن العهد بينهم وبين ربنا، هل هذا الزواج حلال أم حرام؟".
وعلق أمين الفتوى، على السؤال، قائلًا: "أنا متفاجئ زيك بالضبط، مين قال إن ده زواج أصلا، ده مش زواج، 35 سنة هيبقى وطء شبهة".
وأضاف الورداني، إن مفيش أولاد جم خلال الـ 35.. هل الزواج شيء نعيشه مع بعض؟ لأ، الزواج لابد يبقى فيه إيجاب وقبول، وكل المذاهب بلا خلاف اتفقوا على أن الزواج يحتاج إلى صيغة.
زواج من جديد
وتابع: لازم يكون في صيغة، هما قالوا حلفوا على المصحف إنهم مع بعض، وقالوا إحنا لبعض، لم يقل لها زوجتك وقالت قبلت، والحل إيه 35 سنة عايشين مع بعض.
وأكمل أمين الفتوى: الحل يتزوجها هي تقول له زوجتك نفسي وهو يقول لها قبلت، في حضور شهود عشان الزواج يبقى صحيح، ويروحوا يوثقوا هذا الزواج، ويعملوا حاجة اسمها التصديق على الزواج، ويقولوا إنهم كانوا عايشين مع بعض من زمان، ويجيبوا شهود، يعملوا كده والزواج يبقى صحيح.